Ուզում եմ հայախօս այն ընկերներս, որ ԱՄՆ լուրերին մօտից չեն հետեւում, իմանան, որ ԱՄՆում յառաջադիմական շարժումը աննախադէպ ուժ է կուտակել եւ հաւանականութիւնը մեծ է որ ԱՄՆ յաջորդ նախագահը լինի ժողովրդավարական ընկերվարական:
Դեմոկրատ կուսակցութեան նախագահական թեկնածութեան ամենահաւանական թեկնածուն է յառաջադիմական շարժումի դրօշակիր՝ Բերնի Սանդերսը: Ու, ըստ ընտրողներին, Նոյեմբերին՝ Թրամփի հետ մրցակցութեան մէջ, նա յաղթական կը լինի:
Դեմոկրատ կուսակցութեան նախագահական թեկնածութեան ամենահաւանական թեկնածուն է յառաջադիմական շարժումի դրօշակիր՝ Բերնի Սանդերսը: Ու, ըստ ընտրողներին, Նոյեմբերին՝ Թրամփի հետ մրցակցութեան մէջ, նա յաղթական կը լինի:
|
Բերնի Սանդերսը իրեն համարում է ԱՄՆի աւելի քան հարիւրամեայ ընկերվարական շարժումի ժառանգը: |
Ծրագիր
Բերնի Սանդերսի ասածն ի՞նչ է: ԱՄՆում «երեք ամենահարուստ ընտանիքները աւելի հարստութիւն ունեն քան երկրի ժողովուրդի կէսը» ու ամենամեծ հիմնարկների մի կաեւոր մասը ընդհանրապէս հարկ չեն վճարում: Պարզ է որ պետութիւնը ժողովուրդին չի ծառայում: Բայց «շարժումը, որ մենք միասին կերտում ենք, կը կարողանայ տնտեսական, ցեղային, հասարակական եւ կենսոլորտային արդարութիւն ապահովել բոլորի համար:»
- Կենսոլորտային ճգնաժամի լրջութիւնը հասկանալով, հսկայական ներդրում անել «կանաչ» տնտեսութեան մէջ, երկրագունդը փրկելով ու 20 միլիոն նոր գործատեղեր հաստատելով:
- Առողջապահութիւնը ճանաչել իբր մարդու իրաւունք ու պետական ապահովագրութեան համակարգի մէջ ներգրաւել բոլորին:
- Նուազագոյն աշխատավարձը բարձրացնել ու արհեստակցական միութիւններին օրէնքով սատարել:
- Գաղթականների հանդէպ ունենալ մարդկային վերաբերմունք:
- Վերջ տալ անվերջ պատերազմին: Վերջ տալ Իրանի ժողովուրդի դէմ անմարդկային տնտեսական ճնշումներին: Չսատարել «աջակողմեան ցեղապաշտ կառավարութիւնը, որ այսօր գործում է Իսրայելում», ոչ էլ Սաուդիական Արաբիան վարող «մարդասպան ավազակներին»:
- Ընդունել, որ «ամէն անհատ, ընտանիքի եկամուտից ու գաղթական կարգավիճակից անկախ, պէտք է հնարաւորութիւն ունենայ բարձրագոյն կրթութիւն ստանալու առանց նիւթական ծանր պարտքեր կուտակելու:» Պետական համալսարանները անվճար դարձնել ու կրթական պարտքերը ներել: Այսպիսով շղթայազերծել երիտասարդ սերունդի տնտեսական կարողականութիւնը:
- Կարելի է շարունակել, բայց այսքանով առայժմ բաւարարուենք:
«Սա շարժանկար չէ: Սա շարժում է:»
Ժողովրդավարական ընկերվարական Ալեքսանդրիա Օկասիո Կորտեսը, ԱՄՆ Կոնգրեսի ամենից երիտասարդ անդամը, սատարում է ժողովրդավարական ընկերվարական Բերնի Սանդերսի թեկնածութիւնը |
Բերնիի կարգախօսն է, «Ոչ ե՛ս. Մե՛նք:»
Յունուարի 31ի դրութեամբ, 1,5 միլիոն անձ գումար էր նուիրել Սանդերսի ընտրապայքարին: Յունուար ամսին ստացել է 1,3 միլիոն հատ նուիրատւութիւն: Նուիրատւութեան միջին չափն է եղել $18: Նուիրատուների մէջ ամենայաճախ նշուած մասնագիտութիւնը «ուսուցիչ» էր: Մեծ մասը աշխատաւորներ են ամենամեծ (ու կեղեքիչ) բաժնետիրական հիմնարկներում աշխատող: Բերնին միանգամայն մերժում է միլիոնատէրներից գումար հանգանակելու հաւաքներ կազմակերպել: Չի հայցում նրանց օժանդակութիւնը:
Կամաւորական բանակ
Միլիոնաւոր կամաւորներ ծառայում են իբր Բերնիի ընտրապայքարի դեսպանները: Ընտրապայքարը կազմակերպուած ու արդիական կերպով օգտագործում է նրանց ժամանակը:
Bern app-ը զգուշացնում է, որ Փենսիլուանիա
նահանգում ապրող, Բերնիին սատարող
ընկերս Դեմոկրատ կուսակցութեան անդամ չէ ու Բերնիին ձայն տալու համար պէտք է Մարտ 28ից առաջ դիմում ներկայացնի: |
Անցեալ շաբաթ մի կամաւոր ինձ զանգեց: Հաստատեց որ Bern app-ում նշել եմ, որ Բերնիին անպայման սատարող երկու ընկեր ունեմ Նեւադա նահանգում:(Մէկը հիւանդապահ է՝ Իրանից, միւսը՝ իր դուստրը, ուսանող: Հիւանդապահների գլխաւոր արհեստակցական միութիւնը սատարում է արհեստակցական միութիւնների տասնամեակների պաշտպան՝ Սանդերսին:) Նեւադա նահանգում ընտրութիւնը Փետրուարի 22ին է, բայց կարելի է շուտ ձայն տալ: Արդեօ՞ք կարող եմ իմ ընկերներին զանգել ու յուշել, որ վաղը գնան ձայն տալու: Զանգեցի: Նադերէն ասաց, որ յաջորդ օրը 12 ժամ աշխատում է ու չի կարող գնալ ընտրութեան վայր: Օգտուելով ընտրապայքարի շտապի տուած տեղեկութիւններից, իրեն կարողացայ ասել, որ նաեւ կարող է Կիրակի օրը ձայն տալ: Կիրակի նա գնաց ու ինձ պատմեց երկու ժամ հերթ սպասելու մասին:
Երեկ գիշեր մի ուրիշ կամաւոր ինձ զանգեց: Հաստատեց, որ Նադերէն ու իր դուստրը արդէն ձայն են տուել: Ապա սկսեց հարցնել Կալիֆորնիայի իմ ընկերների մասին, սկսելով նրանցով ովքեր անպայման ձայն են տալու Սանդերսին:
Երեկ գիշեր մի ուրիշ կամաւոր ինձ զանգեց: Հաստատեց, որ Նադերէն ու իր դուստրը արդէն ձայն են տուել: Ապա սկսեց հարցնել Կալիֆորնիայի իմ ընկերների մասին, սկսելով նրանցով ովքեր անպայման ձայն են տալու Սանդերսին:
-
Բերնի Սանդերսը հանդիպում է
Լոս Անժելեսում հայերի հետ ու կրում
Անմոռուկով կրծքանշանը: - «Ի՞սկ Խ-ն»: Կապուել եմ: Իր ընտանիքի երեք անդամների հետ միասին այս շաբաթ ձայն էին տալու Բերնիին:
- «Գալով Գ-ին...:» Նա մինչեւ այս շաբաթ չգիտէր ում էր ձայն տալու: Միայն գիտէր որ ուզում է այսօրուայ «էշից» ազատուել: Զրուցեցինք: Վերջում որոշեց Բերնիին ձայն տալ: Դրա համար appի մէջ նշել եմ որ կողմնակից է: «Շատ լաւ ես արել: Թոյլ կը տա՞ս քեզ մի վիդիո ուղարկել, որ ցոյց է տալիս ոնց մարդկանց համոզել ու ոնց չհամոզել:» Այո:
- «Լաւ, իսկ Թալինը՞:» Նա Գլենդեյլի Ուսուցիչների Արհեստակցական Միութեան նախագահն է: (Նա Սանդերսի շապիկին փակցրեց Անմոռուկով կրծքանշանը երբ Լոս Անժելեսում ելոյթ էր ունենում:) Զանգելու անհրաժեշտութիւն չկայ: Բայց կապուել եմ ու իր դուստրերի հետ երեք ձայն են տալիս Բերնիին:
- Ու այսպէս շարունակ:
Այսպէս, պատահական բան չկայ: Կայ կազմակերպուած շարժում:
Հակաշարժում
Ու իհարկէ կայ կազմակերպուած հակաշարժում եւս:
Միլիարդատէրերին ընդհանրապէս անհրաժեշտ չի իրենց շահերը յառաջ մղելու համար անձամբ ղեկավարել երկիրը: Նրանք այս գործի համար հովանաւորում են քաղաքական պաշտօնի տենչանք ունեցողներին: Այսպէս միլիարդատէրերը կարող են գոլֆ խաղալ, անչափահաս աղջիկ բռնաբարողների հետ ընկերութիւն անել, կամ ինչպէս ուզեն հանգիստ ապրել, ընտրապայքարի գործը թողնելով մանկլաւիկներին: Այս անգամ այդ մանկլաւիկները չեն կարողացել ժողովրդավարական ընկերվարական թեկնածուի թափը կոտրել: Այժմ, Ամերիկայի ամենահարուստ մարդկանցից մէկը ինքն է մտել ասպարէզ:
Այդ մարդը՝ Մայքլ Բլումբերգը, Թրամփի պէս ինքնակալ է, ցեղապաշտ, կնամոլ, ու նուիրուած մեծահարուստների շահերի պաշտպանութեան: Թրամփից տարբերւում է նրանով որ կիրթ է ու ատակ:
Միլիարդատէրերին ընդհանրապէս անհրաժեշտ չի իրենց շահերը յառաջ մղելու համար անձամբ ղեկավարել երկիրը: Նրանք այս գործի համար հովանաւորում են քաղաքական պաշտօնի տենչանք ունեցողներին: Այսպէս միլիարդատէրերը կարող են գոլֆ խաղալ, անչափահաս աղջիկ բռնաբարողների հետ ընկերութիւն անել, կամ ինչպէս ուզեն հանգիստ ապրել, ընտրապայքարի գործը թողնելով մանկլաւիկներին: Այս անգամ այդ մանկլաւիկները չեն կարողացել ժողովրդավարական ընկերվարական թեկնածուի թափը կոտրել: Այժմ, Ամերիկայի ամենահարուստ մարդկանցից մէկը ինքն է մտել ասպարէզ:
Այդ մարդը՝ Մայքլ Բլումբերգը, Թրամփի պէս ինքնակալ է, ցեղապաշտ, կնամոլ, ու նուիրուած մեծահարուստների շահերի պաշտպանութեան: Թրամփից տարբերւում է նրանով որ կիրթ է ու ատակ:
|
Մէկ միլիարդատէր ծաղրում է միւսի ճաշակը միս ուտելու հիմնահարցում ու պատկերացնում է որ ընտրողները վազելով կը գան իրեն ձայն տալու: |
Միլիարդատէրերն ու իրենց մարդիկ ջանք չեն խնայի յառաջադիմական շարժումի մէջքը կոտրելու: Բայց շարժումը ունի երիտասարդութեան մեծամասնութեան ու աշխատաւորների կարեւոր մասի զօրաշարժի կոչուած ուժը:
Այնքան ժամանակ որ մնանք շարժումի մասնակիցներ ու ոչ շարժանկար դիտողներ, յաղթանակի հաւանականութիւնը մնում է մեծ: